No Colexio Filipenses Sagrada Familia de Vilagarcía de Arousa temos claro que o futuro constrúese desde as aulas. Por iso, mantemos unha aposta decidida por actividades que non só complementan a formación académica do noso alumnado, senón que tamén espertan a súa creatividade, proactividade e espírito emprendedor.

Neste marco de innovación educativa, os estudantes de 4º de ESO que cursan a materia de Economía e Emprendemento participaron esta semana nunha xornada moi especial organizada en colaboración coa asociación Salnés Empresarial. A iniciativa tivo como obxectivo principal achegar o mundo da empresa e a innovación tecnolóxica e sostible directamente á mocidade.

O alumnado do último curso de Educación Infantil saíu ás rúas de Vilagarcía para descubrir de primeira man os espazos e servizos que forman parte da súa vida cotiá. 

O concello, a igrexa, a biblioteca e a policía foron as paradas deste percorrido, no que o alumnado puido coñecer de cerca as persoas que traballan nestes espazos e a función que cada un deles cumpre na comunidade.

Esta saída forma parte dunha metodoloxía que aposta por achegar a aprendizaxe á realidade do alumno, convertendo o entorno en recurso educativo. Aprender vendo, tocando e preguntando.

O pasado 26 de maio celebramos san Felipe Neri, o noso patrón, cunha xornada festiva na que participou toda a comunidade educativa.

O programa adaptouse á idade do alumnado. As nenas e nenos de Infantil e do 1.º ciclo de Primaria disfrutaron de actividades lúdicas preparadas para a ocasión, mentres que os do 2.º e 3.º ciclo de Primaria participaron nunha celebración eucarística no baixo teito do colexio. O alumnado da ESO fixo o propio na igrexa da Xunqueira.

Rematadas as celebracións, toda a comunidade compartiu o tradicional bolo e chocolatina, un dos momentos máis agardados da xornada e xa sinal de identidade desta festividade no centro.

A mañá puxo o broche de ouro cun animado partido de fútbol entre o alumnado de 4.º da ESO e o profesorado, que congregou ao alumnado nun ambiente de festa e bo humor.

O noso colexio enchéuse de música e lingua galega co Festigal, un festival co que o alumnado de Infantil e Primaria celebrou o Día das Letras Galegas.

A xornada arrincou coa actuación do grupo Migallas, que presentou o seu espectáculo «Bricandeiras da lingua», unha proposta chea de ritmo e humor que puxo ao alumnado en modo festa desde o primeiro momento. A continuación, cada ciclo subiu ao escenario para interpretar a súa canción, demostrando que o galego tamén se aprende, se sente e se celebra cantando.

Gañamos o primeiro premio na categoría de Educación Infantil e Primaria da II Edición dos Premios José Hermida de Radio Pontevedra, un certame no que participaron 107 centros educativos de toda a área de influencia da emisora.
O traballo premiado foi o podcast «O entroido en Radio Neri», elaborado íntegramente en galego polo alumnado de 5.º de Educación Primaria: Daniel Dobarro Salgueiro, Lola Fernández Barral, María Victoria Ginnari De Freitas e Dasan Laya Padín, co profesor José Maneiro como acompañante e coordinador do proxecto. «Radio Neri é a radio do cole», explicou Maneiro na gala.
Parabéns a todo o equipo por este merecido primeiro premio, que recoñece o esforzo, a creatividade e o compromiso co galego do noso alumnado.

As nosas alumnas de 2º da ESO, Sofía Alonso e Elisa Paz, acadaron a máxima puntuación no Torneo de Oratoria organizado por Máis Debate en Vigo. Un fito que se suma ao gran papel dos nosos equipos de 1º da ESO e que reflicte o gran nivel de expresión oral, debate e posta en valor da nosa cultura e lingua que se fomenta nas nosas aulas.

O Colexio Filipenses Sagrada Familia está de celebración. O pasado fin de semana, o talento, a elocuencia e a capacidade de oratoria dos nosos alumnos brillaron con luz propia no Torneo de Oratoria das Letras Galegas, unha competición organizada pola entidade Máis Debate na cidade de Vigo que reuniu a mozos de toda a metade sur de Galicia.

O gran triunfo da xornada veu da man do equipo formado por Sofía Alonso e Elisa Paz, alumnas de 2º da ESO, quen se proclamaron campioas absolutas do torneo tras acadar a máxima puntuación do xurado. Cunha posta en escena impecable, rigor na argumentación e un dominio excelente da lingua galega, as nosas alumnas demostraron unha madurez e unha capacidade de oratoria excepcionais que as elevaron ao máis alto do podio.

O noso colexio acaba de recibir a certificación Blue School, un recoñecemento europeo que distingue aos centros educativos comprometidos co coidado dos océanos e dos ecosistemas acuáticos. Este distintivo é o resultado do programa de educación ambiental que levamos desenvolvendo desde hai anos, centrado especialmente na concienciación sobre o impacto dos plásticos nos mares e na cadea alimentaria.

Para celebralo, realizouse unha xornada de recollida de plásticos na praia de Compostela na que alumnado de 2.º da ESO, que xa participaran nunha acción semellante o curso pasado, explicaron aos seus compañeiros de 1.º os efectos nocivos dos microplásticos e a lentitude do seu proceso de descomposición.

Ao acto sumouse o concelleiro de Turismo de Vilagarcía, Álvaro Carou, para compartir a experiencia e felicitar ao centro polo recoñecemento obtido.

.

O alumnado de 3.º de Educación Primaria a 2.º da ESO participou unha vez máis no programa Xogade, a iniciativa da Xunta de Galicia que promove a actividade física e os hábitos de vida saudable entre o alumnado de centros escolares galegos.
Durante varias xornadas, as nenas e nenos puxeron en práctica habilidades motrices, traballo en equipo e espírito deportivo, nun ambiente de convivencia e bo compañeirismo. Este tipo de actividades, máis aló do seu compoñente competitivo, contribúen á formación integral do alumnado e reforzan valores como o esforzo, o respecto e a superación persoal.

O Colexio Filipenses volveu demostrar que a palabra e o talento do noso alumnado non teñen rivais en Galicia. Nunha xornada memorable, o equipo que representaba ao noso centro proclamouse campión absoluto de Parlamento Xove, o torneo de debate escolar máis importante e esixente da comunidade autónoma, organizado pola Consellería de Cultura, Lingua e Xuventude.

O equipo de Filipenses, integrado por Lucas Rodríguez, Sofía Rico, Pablo Alonso e Lucas Piñeiro e coordinado polo profesora María Nogueira, brillou con luz propia durante todas as fases do campionato, que se celebrou nas instalacións do propio Parlamento de Galicia.

O alumnado de Educación Infantil do converteuse en contacontos por unha boa causa. Baixo o título «Érase unha vez…», os máis pequenos do colexio, coa axuda do alumnado de Oratoriade 3º de ESO, desenvolveron un proxecto de Aprendizaxe-Servizo co obxectivo de espallar a cultura, dinamizar as rúas de Vilagarcía e compartir coa veciñanza o resultado do seu traballo na aula.

Os nenos e nenas puxeron voz e corazón a unha selección de audiolibros. Para que estas historias non quedaran gardadas nas clases, deseñaron uns rechamantes carteis cun código QR integrado, convertendo o centro urbano nunha biblioteca sonora ao aire libre.