De 6 a 12 anos
En Educación Primaria acompañamos a cada neno e nena nun dos períodos máis decisivos do seu crecemento, cunha ensinanza activa, próxima e personalizada que se adapta ao momento de cada un. O noso obxectivo é que constrúan aprendizaxes sólidas e significativas, que se desenvolvan como persoas autónomas e comprometidas, e que se sintan parte dunha comunidade na que cada un importa
Dámoslle un valor central á lectura como ferramenta de aprendizaxe e desenvolvemento persoal. Por iso, cada xornada ten un tempo reservado para ler e contamos con bibliotecas de aula e de centro sempre á disposición do alumnado.
Continuamos co método ABN para desenvolver o cálculo mental e a comprensión profunda dos números. Ao longo da etapa introducimos tamén o algoritmo tradicional, para que o alumnado domine ambas ferramentas e as aplique con criterio.
Reforzamos o noso carácter plurilingüe impartindo materias non lingüísticas en inglés ao longo de toda a etapa. En 6.º de Primaria completamos este percorrido cunha experiencia de inmersión lingüística que pon ao alumnado en contacto real coa lingua.
Queremos que o aprendido dentro da aula teña impacto fóra dela. Por iso traballamos a aprendizaxe-servizo como vía para que o alumnado desenvolva conciencia social e un sentido real de compromiso coa comunidade que o rodea.
Cremos que aprender a convivir é tan importante como calquera outra aprendizaxe. Por iso, contamos con equipos de axuda formados polo propio alumnado, que actúan como referentes de convivencia e acompañamento entre iguais.
Cremos que o sentido de comunidade se constrúe vivíndoo. Por iso, o curso está salpicado de momentos compartidos —festivais, actuacións, bailes— nos que todo o alumnado participa e se recoñece como parte dun colectivo.
Queremos que ningún neno ou nena quede atrás. Por iso, contamos con profesorado de PT, AL e reforzo, así como con agrupamentos flexibles que nos permiten dar unha resposta axeitada a quen máis o necesita.
Cremos que a educación vai máis alá do académico. Por iso, coidamos a interioridade e o crecemento espiritual do alumnado, acompañándoo no descubrimento dos valores cristiáns que dan sentido á vida e ás relacións con outros.
Mantente informado sobre as últimas novas da nosa escola
